ගමේ පොතේ ගමන් මඟ !

ආරම්භය - 2012 අගෝස්තු

කෑගල්ල දිස්ත්‍රික්කයේ ක්‍රියාකාරී ග්‍රාම නිලධාරීතුමෙකු වන නවෝද අබේරත්න මහතාට තිබූ අපහසුම කාර්යය වුයේ තමන්ට අදාල වූ වසම් තුනක වැඩ රාජකාරී එකවර කර ගැනීමයි. ඔහුගේ වසම් තුනම නාගරික වසම් වූ බැවින් ඔහුට සතියේ දින හතම වැඩකිරීමට සිදුවිය. මේ සඳහා පරිගණක මෘදුකාංගයක් තිබුනා නම් මන යැයි සිතූ ඔහු දිනක් පත්තරයේ තිබූ වෙළඳ දැන්වීමක අංකයකට කතා කළේය. ඒ ඔහු ප්‍රථම වරට ප්‍රියංකර දිලන්ත හඳුනාගත් දිනයයි. එවකට ඉංජිනේරු ශිෂ්‍යයෙකුව සිටි දිලන්ත තමන්ගේ දැනුම භාවිතාකර ග්‍රාම නිලධාරී මෘදුකාංගයේ මුල් ආකෘතිය නිර්මාණය කළේය. පහත දැක්වෙන්නේ එහි අනුරුවකි.


මෘදුකාංගයට සංකීර්ණ කොටස් එකතු කිරීම - 2012 ඔක්තෝම්බර්

ඉහත නිර්මාණය ගැන හිතක් පහල වූ එවකට කෑගල්ලේ දිසාපතිතුමා දිලන්ත මහතාව කැඳවා සියලුම ග්‍රාම නිලධාරීවරුන් සඳහා ගැලපෙන ලෙස මෙය නිර්මාණය කරන ලෙස ඉල්ලා සිටියේය. මෙම අවස්ථාව සඳහා ප්‍රදේශයේ ග්‍රාම නිලධාරී මහත්ම මහත්මීන් විශාල පිරිසක් රැස්ව සිටියහ. මෙහිදී ලබාගත් අදහස් එකතු කර දිලන්ත විසින් සාර්ථක මෘදුකාංගයක ආරම්භය සනිටුහන් කරන ලද්දේය.


ගමේ පොත එලි දැක්වීම - 2013 ජනවාරි

අති සාර්ථක ග්‍රාම නිලධාරී මෘදුකාංගයේ කලඑලි දැක්ම ආරම්භ විය. මෙයට අති විශාල පිරිසක් ඒකරාශී වී සිටියහ. මෘදුකාංගය ගැන පැහැදුණු බොහෝ ග්‍රාම නිලධාරීහු එදින මෘදුකාංගය මිලදී ගත්හ. පහත දැක්වෙන්නේ එම අවස්තාවේ ගත් රූප රාමු කිහිපයකි.


දෙවන සංස්කරණය එලි දැක්වීම - 2014 ජූනි

වසරකට අධික කාලයක් තුල ලබාගත් නැවුම් අත්දැකීම් සහ අදහස් කැටි කොට නිර්මාණය කරන ලද දෙවන සංස්කරණය අපි මෙසේ ඉදිරිපත් කරමු. මේ සඳහා සහය දුන් සියලුම දෙනාට අපි අපේ තුති පුද කර සිටිමු.


ව්‍යාපාරික නාම ලියාපදිංචිය - 2015 මාර්තු

ගමේ පොත ව්‍යාපාරික නාමයක් ලෙස මෙම අවුරුද්දේ අපි ලියාපදිංචි කළෙමු. තවද එය ''රොඩී වෙබ් ඩිසයින් ඇන්ඩ් සර්විසස්'' යටතට භාර ගනු ලැබිණි.


මෘදුකාංගයට කැනේඩියානු සහය ලැබීම - 2016 මැයි

මෘදුකාංගයට අවශ්‍ය තාක්ෂණික සහය සහ පහසුකම් රොඩිකා ග්රේකු මහත්මියට අයත් කැනේඩියානු සමාගම මඟින් සැපයීම. ඒ සඳහා මූලික වියදම් රොඩී වෙබ් ඩිසයින් ඇන්ඩ් සර්විසස් පුද්ගලික සමාගම හරහා නිකුත් විනි.


ඉන්ෆොටෙල් ප්‍රදර්ශනයේ වෙළඳ කුටිය - 2016 නොවැම්බර්

පුරා තුන් දිනක් ප්‍රදර්ශනය කල රොඩී වෙබ් ඩිසයින් ඇන්ඩ් සර්විසස් පුද්ගලික සමාගමේ වෙළඳ කුටියේ ගමේ පොත ප්‍රදර්ශනය කෙරිණි. මෙයට සහභාගී වූ බොහෝ ග්‍රාම නිලධාරීවරු අපට සුභ පතා නොමිළේ ලබාදුන් මෘදුකාංගය රැගෙන ගියහ.


ව්‍යවසාය 2017 ප්‍රදර්ශණය - 2017 අප්‍රේල්

කොළඹ සිරිමාවෝ බණ්ඩාරනායක ජාත්‍යාන්තර අනුස්මරණ ශාලාවේ පැවති ව්‍යවසාය 2017 වෙළඳ ප්‍රදර්ශනයේ ද ගමේපොතට විශේෂ තැනක් හිමි විය. එයට සහභාගී වූ බොහෝ ග්‍රාම නිලධාරීහු අප මෘදුකාංගය නොමිළේ ලබාගත්හ.


තුන්වන සංස්කරණයේ ආරම්භය - 2018 සැප්තැම්බර්

පුරා වසර හයක් අප විසින් නිර්මාණය කල ගමේපොත නම් ප්‍රභල තාක්ෂණික මෘදුකාංගය නව මුහුණුවරකින් ඔබ හමුවට ගෙන ඒමට සියල්ල සුදානම්ය. ඒ වනතෙක් අප සේවාව ගාස්තු රහිතව ඔබට පුද කිරීමට රොඩී වෙබ් ඩිසයින් ඇන්ඩ් සර්විසස් පුද්ගලික සමාගම මුල්‍යමය සහාය ලබා දීමට සියල්ල සලසා ඇත.